Poesia in vernacolo napoletano – NUN DORME NAPULE

NUN DORME NAPULE (1957)

Quanno pare ca s’addorme
sott’ `o cielo chin’ `e stelle;
mentre `o mare, cant’ `a n?nna
p’ `e llampar’ `e vvarchetelle…

Po’ na l?nza `e Luna sp?nta
d’ `o Vesuvio appapagnato;
mett’ `o mare, e ccase, e monte,
nu vestito inargentato…

Quann’attuorno tutt’? pace,
tutto dorme a suonno chino,
nun ce manca maje na voce
o n `arpeggio `e mandulino…

Na chitarra `int’a nu vico
o na voce e marenare,
nu signale, na canzone;
? Il’ammore, d?ce e amare…

E s’arape na fenesta,
nu balcone `int’ `a nuttata,
pe’ Maria, na Carulina…
? l’eterna serenata…

Pirci? Napule nun dorme.
S’arreposa sulamente:
e pu?te, `e nnammurate,
cantarranno eternamente…

Condividi questo articolo qui: