Poesia in vernacolo napoletano – `O PATE
`O PATE (1956)
`O v?ro pate ? comma `na furmica,
ca penz’a carri? sulo p”a casa…
E’ campa sulamente p’ `a fatica,
p’ `o bb?ne d’ `a famiglia, e niente cchi?.
Esce `a matina, e se r?tir’a sera:
c’ `o sole, acqua, friddo, `a tramuntana:
? trova `na cumpagna ch’? sincera,
na guerra `e figlie: che felicit?…
Po’ st? nu pate, ca nun t?ne ammore:
a casa porta guaje sulamente…
Vatt’ `a mugliera, `e figlie: senza core…
A n’ommo ‘e chisto, che ce spiere? Niente!
Penz’a ll’amante, ca tutta pittata:
le v?nne ammore, pe brillant’ `e oro…
Torna `mbriaco – `e vvote – `int’ `a nuttata…
Jastemma, scassa: tra nu chianto a cc?ro…
Povera mamma, n’ombra ? addeventata…
`E figlie c’ `a faccella d’ `a paura…
pe’ le da pane: `a rrobba s’ha `mpignata…
`O fuculare ? friddo, `a casa ? scura…
`Sti figlie, stanno sempe appaurate.
`A mamma, se ne f?, chiante annascuso…
E so’ ffelice quanno nun c’ ? ‘o pate:
campano `e pane asciuto, e pane nfuso…
Pregano `a Maronna tutt’ `e ss?re.
`A mamma `e cc?nt’ `e cunte, e ll’appapagna.
`Sta martire, ca dice `int’ `e pprighiere:
? Nu `mporta: ch’ `a Maronna ll’accumpagna! ?…
Stampa questo post
