Poesia in vernacolo napoletano – PAZZARIE?…

PAZZARIE?… (1958)

A Gennarino `o porteno pe’ pazzo.
E’ stato a’ guerra? Forse a’ Pazzaria?…
E se r?nz?a `a gente d’ `o palazzo
e chi `o conosce, `o scanza `nmiez’ `a via…

Aiere succerette `o `mbiccio forte.
LI’all’arme `a dette `o figlio `e mastu Ttore:
? Fuite bbona gg?, mannaggi’ `a morte!…
Cu nu curtiello tanto, ? sciuto f?re ?.

E se nzarraine subbeto `e purtelle
na folla se fermaie for’ `o purtone.
St’armato cu curtiello e rivuldelle ?
`O dicette fuienne nu guaglione…

Fuje chiammato subbeto `e pumpiere…
`A Celera pigliaie tutt’ `e mm?sure…
`O marisciallo d’ `e Carabbiniere
dicette: ?Cheste so’ faccende dure?

All’improvviso da nu terrazzino
na femmena c’ `e mmane `int’ `e capille:
? Sta accerenno `a mugliera, Gennarino!
A chi aspettate, nun `e sentite `e strille?! ?.

Se sentevano `a rint’ `a casa `nchiusa
rrobba ca se scassava na bellezza.
Gennarino alluccava: ?Schifiusa!
Te spezz’ `a capa e `a jetta `int’ `a
munnezza! ?.

`O marisciallo sfutaraje `a pistola:
arete quatte agente e dduje pumpiere
c’ `o tubo ell’acqua, senza sciato `ngola,
avanzavano `ncopp’ `e pp?nt’ `e pi?re…

`O marisciallo s’accustaie deciso,
Se sendette `a resata `e Gennarino,
po’ dicette: ? Carogna, t’aggia cciso!
T’aggia f’ `a piezzo, tutt’ `a spezzatino! ?.

Po’ nu silenzio, `a porta s’arapette:
nu fuia fuia se sfrattaie ammuina.
Gennaro c’ `a mugliera, for’ascette:
Purtavano scannata na gallina…

Condividi questo articolo qui: